ZOEZI LA KUBORESHA TAARIFA KWENYE DAFTARI LA KUDUMU LA MPIGA KURA KUANZA MEI 16 HADI MEI 22 2025 KILIMANJARO

15 May 2025

SERIKALI  mkoani Kilimanjaro,  imelitaka kundi kubwa la vijana wenye umri  wa miaka 18 na zaidi na wenye kukaribia umri huo   kabla ya octoba  mwaka huu, kujitokeza kwa wingi katika kuboresha taarifa zao kwenye daftari la kudumu la mpiga kura ili kupata fursa ya kumchagua kiongozi wanaemtaka  kwa ustawi na maendeleo ya taifa hili.

Akizungumza mapema Mei 15 katika mkutano wake na wanahabari ofisini kwake, Mkuu wa Mkoa wa Kilimanjaro Nurdin Babu  amesema  zoezi la uboreshaji wa taarifa katika daftari la kudumu litaanza Mei 16 had Mei 22.

Amesema Mkoa wa Kilimanjaro  una vituo vya uboreshaji wa daftari  hilo 310 vilivyogawanyika  katika maeneo mbalimbali Siha 34, Mosh vijijini 64, Hai 31, Mwanaga 24, Manispaa 30, Rombo 56 na Same 71, vituo hivyo vipo ngazi ya kata, ingawa zipo kata nyingine kunavituo zaidi ya kimoja kutoka na ukubwa wa kata na geografia  ya eneo.

Aliongezea Mhe.Babu moja ya malengo ya uboreshaji wa daftari hilo ni kutoa nafasi  ya kujiandikisha  kupiga kura kwa wale wote wenye sifa za kupiga kura ambao hawajajiandikisha kwa sababu mbalimbali, hasa kundi la vijana  ili kuweza kupata kiongozi atakayeweza kuleta maendeleo.

Amesema hii ni fursa na haki ya kila mwananchi kuporesha taarifa zake  ikiwa alipoteza  kitambulisho,  kuhama eneo  hivyo amewatak kujitokeza.kwa wingi.

"Vijana kura yako ni chanzo cha mabadiliko ya kiuchumu kwa  Mkoa na Taifa kwa ujumla, Tume huru ya Uchaguzi, imetoa fursa kwa awamu ya pili kwa wananchi kujitokeze kufanya hivyo,"