Dkt. Mghwira: Jitokezeni Kupiga Kura

Posted on: November 3rd, 2019

Wananchi wilayani Same waliojiandikisha kwa ajili ya kushiriki kwenye zoezi la uchaguzi  wa serikali za mitaa wametakiwa kuhakikisha kuwa wanajitokeza kupiga kura katika uchaguzi huo unaotarajiwa kufanyika tarehe  24/11/2019.

Akiongea na wananchi wa Hedaru na Soko la kwasakwasa wilayani same mkuu wa mkoa wa kilimanjaro Mhe. Dkt. Anna Mghwira amesema wananchi wasiache kwenda kupiga kura na kuchagua viongozi wanaofaa katika ngazi za vijiji, vitongoji na mitaa.

Mhe. Mghwira amewaasa wananchi kuwa makini katika kuchagua viongozi wa ngazi hizo ambao watakuwa imara na wachapakazi ili waweze kuwa kiunganishi kizuri kati ya serikali kuu na wananchi.

Mhe. Mghwira ametumia fursa hiyo kuwapongeza wananchi wote waliojitokeza katika zoezi la uandikishaji wa wapiga kura na kuwataka kukamilisha zoezi hilo kwa kupiga kura.