Kamilisheni Mradi kwa Wakati

Posted on: June 6th, 2021

Halmashauri ya wilaya Same mkoani Kilimanjaro imetakiwa kukamilisha ujenzi wa soko la kazndo ya barabara ili kuwaewzesha wananchi hususan wakulima na wafanyabiashara ndogondogo kunufaika na mradi huo.

Akiongea na wananchi baada ya kukagua mradi huo wa ujenzi wa soko kiongozi wa mbio za mwenge wa uhuru mwaka 2021,  Luteni Josephine Mwambashi amesema wameridhishwa na taarifa zilizowasilishwa kuhusu gharama za mradi huo kwani zinaendana na thamani ya fedha.

Awali akiwasilisha taarifa ya mdari huo kwa kiongozi wa mbio za mwenge, fundi sanifu wa mradi huo Bi. Magreth  Mkenda amesema  mradi huo unaotekelezwa kwa kugharamiwa na wananchi, halmashauri na shirika la UNDC  utagharamu kiasi cha Tsh.2,737,239,321 hadi kukamilika.

Mradi huo unatajiwa kutoa fursa za kibiashara kwa wajasiliamali wasiopungua 250 na ajira za kudumu kwa watumishi 10.