MHE BABU AKIUKABIDHI MWENGE WA UHURU 2025 MKOANI ARUSHA

Posted on: July 5th, 2025

Mkuu wa Mkoa wa Kilimanjaro Mhe. Nurdin Babu   amesema mwenge wa uhuru umekimbizwa kilomita 895, umekagua miradi  52 yenye thamani ya Bilion 84. Ameyasema hayo Julai 5,2025 wakati  akiukabidhi Mwenge wa Uhuru 2025 katika  kijiji cha Kingori kata Malula  wilaya  ya Arumeru mkoani Arusha.  Amesema katika mkoa huu, miradi 22 ilizinduliwa, 20 iliwekwa  mawe ya msingi  na miradi 10 ilitembelewa na Mwenge wa Uhuru na yote imeridhiwa.

Amesema Mwenge huo, ulipita kwenye miradi ya kijamii 9 ikiwa ni hatua ya kuonyesha ushirikiano wa wawekezaji binafsi  na serikali ya mkoa. Aidha  amesema katika  kubiliana na mabadiliko ya tabia nchi,  mkoa wa Kilimanjaro umetoa  mitungi 370  yenye thamani milioni zaidi 18.4 kwa wananchi  wa maeneo  mbalimbali.

Amesema   katika kipindi cha siku saba watu  waliopima  VVU ni  1,801 walikutwa 12 sawa na asilimia 0.67, Damu salama ilipatikana  unit 177, waliopima  malaria   812 na hakuna aliyepatikana na ugonjwa huo.

Amesema mkoa  umekuwa  ukitoa elimu kwa wananchi juu ya madhara  ya rushwa, na kesi zilizoripotiwa 401, zilizokutwa na viashiria vya rushwa ni 201, zilizotolewa hukumu 20.

Amesema mkoa huo haukubaki nyuma kwenye suala la  madawa ya kulevya na jeshi la polisi liliwakamata  watuhumiwa  555 waliokamatwa 232 kesi zinazoendelea mahakamani 126 na kesi zilizohukumu ni 106.

Akiaga mkoa wa Kilimanjaro,  Ismail Ally Ussi  amesema miradi yote imetekelezwa kwa ubunifu ufanisi mkubwa na imeakisi thamani ya miradi.

Aidha amewapongeza wakuu wa wilaya wote  waliopo mkoani humo  kwa jitihada wanazofanya katika  kusaidia miradi  ya maendeleo.

"Mimi ningeambiwa nishauri,  ningeshauri wakuu wa wilaya hawa wasiondoke hapa  wamsaidie  Mheshimiwa  Rais Dk Samia Suluhu Hassan  kusimamia maendeleo  ya wananchi,nimeridhishwa na utendaji kazi wao kila mahali nilipofika  tulikuta mambo yameeleweka hakika hawa ni viongozi,"amesema.