RAS-NZOWA AZINDUA MAFUNZO YA MSAADA WA KISHERIA YA MAMA SAMIA KILIMANJARO

Posted on: January 28th, 2025

Katibu Tawala Mkoa Bwn.Yusuf Nzowa ,amefungua mafunzo kwa watoa huduma ya msaada wa kisheria ya Mama Samia (MAMA SAMIA LEGAL AID CAMPAIGN) ikiwa na lengo la kutoa elimu kwa makundi mbalimbali pia kwa kufanya mikutano ya hadhara kwa kushirikiana na viongozi wa kata,mtaa, na ngazi za kijamii kwa Halmashauri zote mkoani hapa.

Amefanya ufunguzi huo Januari 28,2025 katika ukumbi wa mkoa , ambapo amewataka wataalamu hao wa Sheria  ya Mama Samia (MAMA SAMIA LEGAL AID CAMPAIGN )  kuyapokea mafunzo hayo kwa umakini mkubwa

“Nawasisitiza washiriki wote kuwa makini kwenye mafunzo haya ambayo wataalamu wanayatoa ili semina hii ikawe na mafanikio makubwa kwa wananchi,pia natoa wito kuwaomba kuwahamasisha wananchi kujitokeza kwa wingi katika kampeni itakayofanyika katika viwanja vya vyumbi vya stendi kuu ya Mabasi ya manispaa ya Moshi ambapo itazinduliwa na Mhe.Waziri wa Katiba na Sheria Dkt.Damas Daniel Ndumbaro ”Amesema Nzowa

Aidha amesema kuwa mlengwa hasa katika kampeni hiyo ni mwananchi wa kawaida ambaye hana uwezo wa kujigharamia na kusimamia masuala ya kisheria pia kuweka utaratibu ambao utawasaidia wananchi kuondokana na changamoto mbalimbali za kisheria

Kwa upande wake Mkurugenzi wa Huduma za Msaada wa Kisheria kutoka Wizara ya Katiba na Sheria Bi. Ester Msambazi amesema wanatarajia timu ya wataalamu ambao wanapata mafunzo watashiriki kutoa vema elimu pamoja na kutoa ushauri ya kisheria kwa wananchi

“ Tutatoa elimu kwa makundi mbalimbali tutapita shuleni, kwenye nyumba za ibada pia tutatoa ushauri wa kisheria kwa wale wote ambao watakuwa na maswala mbalimbali ya kisheria hivyo kila Halmashauri itakuwa na wakili wa kujitegemea wakili wa kiserikali wote watashirikiana katika kuandaa nyaraka za kisheria na kufanya uwakilishi mahakamani kwa wananchi ambao wanakesi au wanaotarajia kufungua mashauri mahakamini”Amesema Msambaza

Sambamba na hayo kampeni ya Huduma ya Msaada wa Kisheria ya Mama Samia (MAMA SAMIA LEGAL AID CAMPAIGN) linatarajiwa kuzinduliwa Januari 29,2025 hivyo kufanyika kwa siku tisa mkoani hapa