RC Ataka Barabara Zipitike

Posted on: February 5th, 2020

Mkuu wa Mkoa wa Kilimanjaro Mhe.Dkt. Anna Mghwira ameuagiza uongozi wa Wakala wa Barabara nz Mjini na Vijini, TARURA mkoni Kilimanjaro kuhakikisha kuwa barabara zote ndani ya mkoa zinapitika.

Akizungumza katika kikao cha jumuisho ya ziara yake ya kukakugua barabara zinazounganisha manispaa ya Moshi na wananchi wa Moshi Vijijini Mhe. Dkt.Mghwira amesema ni vema uongozi wa TARURA  ukaweka mkazo kwenye ujenzi na matengenezo ya maeneo korofi ili wananchi waweze kufikisha bidhaa zao masokoni pamoja na kuzifikia huduma muhimu za kijamii.

Dkt. Mghwira  amesema fedha nyingi zinazotumika kujenga vipande vifupi vya barabara kwa kiwango cha lami zingetosha kujenga kilometa nyngi za barabara  za changarawe pamoja na makaravati na hatimaye barabara zote kupitika.

Naye Mratibu wa  TARURA mkoa wa Kilimanjaro Mhandis Meleck Slaa amemuahidi Mkuu wa Mkoa kuwa atazingatia na kutekelaza maagizo hayo.

Mkuu wa mkoa wa Kilimanjaro alifanya ziara ya kukagua barabara zinazounganisha vijiji na Manispaa ya Moshi ili kuweza kujionehali za barabara hizo.