RC-BABU AMEMWAPISHA MKUU WA WILAYA YA MOSHI MKOANI KILIMANJARO

Posted on: January 27th, 2025

Mkuu wa Mkoa wa Kilimanjaro Mhe.Nurdin Babu amemwapisha mkuu wa wilaya ya moshi  Mhe.Geofrey Mnzava ambaye ameteuliwa  na Dakt.Rais Samia Suluh Hassan  kuwa mkuu wa wilaya hiyo.

Amefanya uwapisho huu mapema Januari 27 ,2025 katika ukumbi wa mkoa ,Mhe.Babu amemsisitiza mkuu huyo wa wilaya kusimamia misingi  ya haki ,utawala wa sheria na maadili katika kutekeleza majukumu yake

“kasimamie Amani na Usalama wa Wananchi na mali zao nenda ukashirikiane na vyombo vya usalama kupitia kamati ya usalama katika kufanya maamuzi makubwa ya wilaya aidha simamia vyema udhibiti wa matumizi ya fedha za Serikali na kuzuia ubadilifu ,ikiwa ni pamoja na kuwachukulia hatua wale wote waliokiuka taratibu .hili lifanyike kwa kuzingatia sheria na miongozo iliyopo pamoja na kanunu” Amesema Babu

Aidha Mhe. Babu amemtaka kiongozi huyo kuzielewa kero za wananachi na kuzitatua kwa weledi ,uadilifu na bila ubaguzi wala upendeleo wowote

“kama kiuongozi unayo kazi ya kusikiliza na kutatua kero mbalimbali za wananchi katika maeneo yako ya kiutawala hivyo nitoe rai kwako kwenda kujipanga vizuri kwa kushirikiana na katibu tawala wilaya ,mkurugenzi wa halmashauri na wakuu wa taasisi zilizo katika wilaya yako kuhakikiasha kwamba madawati ya kusikiliza kero za wananchi yanakuwepo na yanafanya kazi”

Hata hivyo Mkuu wa wilaya ya Moshi Mhe.Geofrey Mnzava  amemshukuru Dkt.Rais Samia Suluhu Hassan  kwa kumchagua kuwa mkuu wa wilaya hiyo, pia ametaja vipaumbele atakavyoendanavyo katika uongozi wake

“Nitahakikisha hali ya ulinzi na usalama zinaendelea kuimarika nitashirikiana na viongozi wenzangu kutimiza jukumu hilo, na kuhakikisha mapato ya halmashauri yanaelekezwa kwenye miradi ya maendeleoa ,nitasimamia kikamilifu  miradi ya maendeleo  pia nitahakikisha kero za wananchi zinatatuliwa kwa wakati” Amesema Mnzava

Kwa upande wake Katibu tawala Mkoa  Bwn .Yusuf Nzowa amempongeza Mhe.Geofrey Mnzava kwa kukubali uteuzi huo hatimae kushiriki katika tukio la uapisho baada ya kuteuliwa na Dkt.Samia Suluhu Hassan Rais wa Jamuhuri ya Muungano Wa Tanzania kushika wadhifa huo mkuu katika wilaya hiyo