UZINDUZI WA KLINIKI YA SHERIA MKOANI KILIMANJARO

Posted on: January 21st, 2025

Mkuu wa Mkoa wa Kilimanjaro Mhe. Nurdin Babu amezindua rasmi Kliniki ya Sheria bila malipo itakayosaidia kutatatua kero na migogoro ya Wananchi Mkoani hapa.

Amezindua uzinduzi huo januari 22,2025 katika ukumbi wa mkoa ambapo amesema lengo ni kufatiwa na Kliniki ya Sheria bila malipo kwa wananchi inayofanyika kwa ushirikiano baina ya Ofisi ya Mwanasheria Mkuu wa Serikali na Kamati ya Ushauri wa Kisheria ya Mkoa wa Kilimanjaro.

Aidha Huduma hizo zitatolewa katika Viwanja vya Stendi ya Vumbi jirani na Stendi Kuu ya Mabasi Moshi Mkoani Kilimanjaro kuanzia tarehe 21 hadi 27 Januari 2025.

Akizungumza wakati wa ufunguzi rasmi wa Kliniki hiyo Mkuu wa Mkoa wa Kilimanjaro Mhe. Nurdin Babu ameipongeza na kuishukuru Ofisi ya Mwanasheria Mkuu wa Serikali kwa kuuchagua Mkoa wa Kilimanjaro na kuja kutoa huduma ya Kliniki bure kwa wananchi wa Kilimanjaro.

"Tunaishukuru Ofisi ya Mwanasheria Mkuu wa Serikali kwa kuja kutoa huduma hii bure kwa wananchi wetu hii inaonyesha namna Ofisi hii ilivyojikita kusogeza huduma kwa wananchi kwenye maeneo mbalimbali nchini" Amesema  Babu

Hata hivyo, Mhe. Babu ameeleza kuwa Kliniki hiyo itasaidia kupunguza migogoro ya Wanachi dhidi ya Serikali, zitawezesha Mawakili wa Serikali kusimamia Utawala wa Sheria, pia zitawasaidia Mawakili wa Serikali kushirikiana kwa ukaribu na Wadau pamoja Wananchi katika kutatua  migogoro hiyo.

Pia ametoa wito kwa Wananchi  kushiriki kwa wingi katika Kliniki hiyo ili wapate suluhu ya changamoto  mbalimbali za kisheria zinazowakabili.

Awali akizungumza wakati wa kumkaribisha Mkuu wa Mkoa wa Kilimanjaro, Wakili wa Serikali kutoka Ofisi ya Mwanasheria Mkuu wa Serikali Bi.Tamari Mndeme amesema Ofisi ya Mwanasheria Mkuu wa Serikali imejipanga vyema kutoa huduma za Kisheria bure kwa wananchi kupitia Kliniki hiyo.

‘’Ofisi ya Mwanasheria Mkuu wa Serikali iko tayari kuwahudumia Wananchi wa Mkoa wa Kilimanjaro na tuna wataalamu wa kutosha tunaamini kupitia Kliniki hii changamoto mbalimabali za Wananchi zitapata ufumbuzi’’Amesema Bi.Tamari.

Sambamba na hayo,kliniki hii imelenga kuwafikia wananchi wengi hasa wale waliopo  nje ya mji katika mkoa huu ili kuwawezesha kupata huduma za kisheria bila kutumia gharama.