WEKEZENI KWENYE MIRADI KUONGEZA AJIRA

Posted on: June 29th, 2025

June 29 mwaka huu, mwenge wa uhuru ulikagua miradi nane  yenye thamani  bilion 1.9

Katika miradi hiyo, Mwenge umeridhishwa na mradi wa vijana wa win  youth  group  wenye thamani ya milioni 40 kutoka katika  mkopo wa vijana, wanawake na watu wenye ulemavu uliotolewa na halimashauri.

Akisoma taarifa ya Mradi huo,  katibu wa kikundi hicho Flavia Tengia alisema  walipokea milion 40 kutoka halmashauri kwa miradi  miwili ukiwemo wa kusindika siagi ya karanga  na mradi wa stationary lenye lengo la kuboresha uchumi kwa vijana na tayari wamesharesha milion nane, alisema wametoa ajira kwa vijana 13 na wanatarajia kuendelea kutoa ajira hizo  kutoka na uchumi kwa kupata masoko zaidi ndani na nje ya nchi.

Akizindua mradi huo kiongozi wa mbio za mwenge  kitaifa Bw. Ismail Ali Ussi aliridhishwa na mradi huo na kuwataka  viongozi wa wilaya hiyo kuhakikisha wanasajili kikundi hicho kwenye mfumo wa Nest  kwa lengo la kufunguliwa ndani na nje ya nchi.

Alisema kikundi hicho kimeonyesha   namna ambavyo serikali ya Dkt. samia  Suluhu Hassan  inaleta umahiri katika kutokomeza umaskini kwa vijana na kuongeza ajira.

Aidha amewataka  vijana kujitokeza kwa wingi katika kuhakikisha  wanachangamkia fursa za mikopo kwa vijana, wanawake na watu wenye ulemavu  katika kuanzisha na kupanua biashara zao.

Amesema,  Hii ni nchi pekee inayowajali wananchi wake hasa vijana, wanawake na watu wenye ulemavu ili waweze kujiajiri nakuajiri wengine.