Epukeni Hati Chafu - RAS

Posted on: January 29th, 2020

Halmashauri za wilaya na manispaa katikia mkoa wa Kilimanjaro zimetakiwa  kufanya kazi kwa umakini na weledi  ili kuepukana na tatizo la hati chafu.

Rai hiyo imetolewa na Katibu Tawala wa Mkoa wa Kilimanjaro Dkt. Khatib Kazungu wakati wa kufungua mafuzo ya  maandalizi ya mipango na bajeti za halmashauri kwa mwaka wa fedha 2020/21 pamoja na matumizi ya mifumo kwa maafisa wa halmashauri.

Dkt. Kazungu amesema endaapo washiriki wote wa mafunzo watashiriki kikamilifu katika mafunzo hayo maboresho yataonekana  kwenye  kuingiza takwimu sahihi za mapato kwa mfumo wa ukusanyaji wa mapato kwa njia ya kielektroniki  yaani  LGRCIS pamoja na kuandaa taarifa za robo mwaka.

Aidha  Dkt. Kazungu  amefafanua kuwa mafunzo hayo yatawajengea uwezo maafisa manunuzi katika kusimamamia mfumo wa  kusimamia manunuzi kwa njia ya kielektroniki wa TANePs pamoja na maafisa mipango kuongezewa uwezo wa kuandaa  bajeti za halmashari  kwa ufanisi.

Sekretarieti ya mkoa wa kilimanjaro kupitia seksheni ya usimamizi wa serikali za mitaa imeandaa mafunzo ya siku mbili ya  maandalizi ya mipango na bajeti za halmashauri kwa mwaka wa fedha 2020/21 pamoja na matumizi ya mifumo kwa maafisa wa halmashauri.

Akitoa shukrani kw Katibu Tawala wa Mkoa Kilimanjaro Dkt. Khatib Kazungu mwenyekiti wa washiriki wa mafunzo hayo Bw. David Rubibira amemuahidi Dkt. Kazungu kuwa washiriki wote watashiriki kikamilifu kama alivyoelekeza.