Halmashauri Yatakiwa Kupanda Miti Kando ya Barabara

Posted on: February 25th, 2020

Halmashauri ya wilaya ya Siha imeagizwa kutumia msimu ujao wa  mvua za masika kupanda miti pembezoni  mwa barabara ya Sanya juu   Elerai ili kutunza  mazingira ya barabara hiyo.

Agizo hilo limetolewa na Mkuu wa Mkoa wa Kilimanjaro Mhe.Dkt. Anna Mghwira alipokagua barabara hiyo yenye urefu wa kilomita 32.

Mhe. Dkt. Mghwira  amesema kazi ya Wakala wa Barabara Tanzania ,TANROADS ni kujenga na kuzitunza barabara na wameshatimiza wajibu wao, lakini kwa upande wa mazingira ni jukumu la halmashauri kuotesha miti na kuitunza ili  iweze kupendezesha muonekano wa barabara  na kuwawezesha wananchi kupata hewa safi kutoka kwenye miti hiyo.

"Miti itakapooteshwa pamoja na faida zingine itatunza mazingira na kupunguza vumbi  pamoja na mmomonyoko wa udongo unaosababishwa na upopo." Amesema Dkt. Mghwira.

Kwa upande waake  Mkurugenzi Mtendaji wa Halmasghauri ya wilaya ya Siha Bw.Ndaki  Mhuli amesema amepokea maelekezo hayo kutoka kwa Mhe. Mkuu wa Mkoa na kuahidi kuyatekeleza kwa juhudi na maarifa yote.