MRADI WA MAJI WA MROYO - KIZANGAZE KULETA MATUMAINI MAPYA KWA WANACHI WA KATA YA MAORE.

Posted on: June 30th, 2025

Kiongozi wa Mbio za Mwenge wa Uhuru kitaifa kwa mwaka 2025 Ndg. Ismail Ali Ussi ameweka jiwe la msingi kwenye mradi mpya wa Maji wa Mroyo - Kizangaze uliopo katika kata ya Maole  wilayani Same ambao utahudumia wananchi zaidi ya elfu tatu katika kata hiyo pamoja na vijiji jirani.

Akizungumza na Wananchi wakati wa uwekaji jiwe la msingi katika mradi huo Ndg.Ussi amesema Serikali ya Rais Dkt.Samia Suluhu Hassan itaendelea kujali wananchi katika kuboresha miundombinu ya maji kupitia kampeni ya kumtua mama Ndoo kichwani ili kuhakikisha upatikanaji wa maji safi na salama katika maeneo ya Mjini na Vijijini.

Pia ameipongeza mamlaka ya maji safi na salama Wilaya ya Same kwa kuendelea kutekeleza vyema miradi ya maji cha kiwango cha hali ya juu katika wilaya hiyo.

Kwa upande wake,Mkuu wa Wilaya ya Same Mhe.Kasilda Mgeni  ameeleza umuhimu wa mradi huo kwa wananchi ambapo awali walitembea umbali mrefu kufuata maji  hali iliyochangia kuongezeka kwa migogoro ya Ndoa katika eneo hilo.

Aidha,Mradi wa Maji wa Mroyo - Kizangaze unagharimu shilingi zaidi ya bilioni 1 ambapo hadi kufikia sasa ujenzi umefikia asilimia 79.