Mwenge wa Uhuru mwaka 2025, umezindua ofisi ya kijiji cha Ngulu kilichopo kata ya Kwakoa Wilaya ya Mwanga

Posted on: July 1st, 2025

Mwenge  wa Uhuru mwaka 2025,  umezindua ofisi  ya kijiji cha Ngulu kilichopo kata ya Kwakoa Wilaya  ya Mwanga mkoani Kilimanjaro  ikiwa ni hatua za serikali za kuboresha mazingira ya watumishi katika utendaji kazi.

Akizungumza  wakati wa uzinduzi huo, julai 1  kiongozi wa mbio za Mwenge, Ismail Ali Ussi  amesema   serikali imedhamiria kuboresha mazingira ya watumishi ili wananchi waweze kupata  huduma kwa  haraka na kwa wakati.

Amesema Mwenge huo umepita kwa lengo  kuonyesha upendo  kwa wananchi, kurejesha matumaini na kuleta  imani   iliyokuwa imepotea.

"Tumekagua jengo hili la ofisi ya kijiji cha Ngulu, tumejiridhisha na nyaraka,  ubora  hakika jengo limejengwa  kwa viwango vinavyostahili na thamani ya pesa imeonekana. Natoa rai kwa viongozi kuwa ofisi hizi zitumike katika kuleta mabadiliko kwa wananchi kwa kusikiliza kero za wananchi na kuzitatua , zitakazowashinda hakikisheni mnapeleka   kwa mkuu wa wilaya au mkoa, nilazima wananchi wapate majawabu ya matatizo yao,"

Aidha aliwataka watumishi watakaofanya kazi katika eneo hilo kufanya kazi kwa uwaminifu na kwa haraka ili kuwasaidia wananchi kujikita katika shughuli za  kiuchumi na kuleta maendeleo.

Akimkaribisha  kiongozi huyo, mkuu wa wilaya ya Mwanga Bi. Rukia alisema  wananchi hao wataweza kutatuliwa matatizo yao katika eneo hilo.

Alisema awali walikuwa na ofisi  ya kijiji isiyokidhi mahitaji jambo lililokuwa likiwakosesha  viongozi raha wakati wa utendaji kazi wao.

Akisoma taarifa ya mradi huo, Angela Kilawe  alisema jengo hilo liligenjwa  kwa gharama ya milioni  56