Rais Magufuli Asikitishwa Mradi wa Maji Kuchelewa

Posted on: October 20th, 2020

Mgombea Uraisi kupitia Chama Cha Mapinduzi, Mhe. Dkt. John Pombe Magufuli amewaomba  radhi  wananchi wa wilaya ya Same kwa kuchelewa kwa mradi wa maji ambao utakuwa suluhisho la tatizo la maji katika mji hou na maeneo ya jirani.

Akihutubia wananch katika mkutano wa kampeni ulifanyika katika uwanja wa soko la Kwasakwasa katika mji wa  Same Mhe. Dkt. Magufuli amesema amesikitishwa sana na kucheleweshwa kwa mradi huo ambao  utaanzia katika bwawa la Nyumba ya Mungu wilayani Mwanga na kupita Same hadi Korogwe mkoani Tanga.

Aidha Mhe. Dkt. Magufuli amesema  wenye thamani ya  zaidi ya shilingi bilion mia mbili ulipaswa kukamilika tangu mwaka 2017 lakini hadi kufikia sasa umetekelezwa kwa asilimia sitini tu.  

Katika kuhakikisha kuwa mradi huo unakamilika haraka iwezekanavyo Mhe. Dr. Magufuli amewaagiza Naibu Waziri wa Maji Mhe. Jumaa Aweso akutane na mkandarasi ili ajue nini kilichokwamisha kukamilika kwa mradi huo na ampe taarifa kabla ya Mhe. Dkt. Magufuli hajamaliza ziara yake katika mkoa wa Kilimanjaro.

Mhe. Dkt. Magufuli  ametumia fursa hiyo kutoa onyo kwa mkandarasi wa mradi huo  kuacha kuzembea na kumpa muda wa  siku thelathini kuona mabadiliko ili  mradi huo kukamilika kwa wakati,