RC ASISITIZA USHIRIKIANO

Posted on: June 17th, 2021

Serikali Mkoani Kilimanjaro imewataka Watendaji  pamoja na Madiwani  kuendelea kushirikiana  katika utekelezaji  wa majukumu ili kukuza uchumi wa Wilaya, Mkoa na Taifa kwa ujumla.

Wito huo umetolewa na Mkuu wa Mkoa wa Kilimanjaro Mhe. Stephen Kagaigai katika Baraza Maalumu la Madiwani la kujadili taarifa ya Mdhibiti na Mkaguzi Mkuu wa Hesabu za Serikali (CAG) kwa mwaka wa fedha 2019/2020 Wilayani Siha.

Mhe. Kagaigai alisema ushirikiano miongoni mwa Watendaji  na Madiwani utasaidia kuongeza ukusanyaji wa mapato na kukuza uchumi wa mwananchi mmoja mmoja na Taifa kwa ujumla.

"Mkurugenzi ninakupongeze licha ya kuwa umekaa hapa kwa muda mfupi lakini umezichambua hoja  kwa umakini na kwa kiwango kikubwa, madiwani endelezeni ushirikiano   na simamieni  mapato na matumizi, wakati huo huo mbuni vyanzo vipya vya mapato, " alisema Mkuu wa Mkoa

Aidha Mhe. Kagaigai alimtaka Mkurugenzi Mtendaji wa Halmashauri ya Wilaya ya Siha, Bw. Ndaki Mhuli, kuhakikisha anaongeza umakini kwa kuboresha  Kitengo cha Ukaguzi wa ndani ili  kimsaidie kujitathimini kwa kina wakati changamoto zinapotokea.

Kwa upande wake Katibu Tawala wa Mkoa wa Kilimanjaro. Dkt. Seif Shekalaghe amempongeza Mkurugenzi Mtendaji wa Halmashauri hiyo kwa maandalizi mazuri ya kikao ikiwa ni pamoja na taarifa kuwa na hoja ambazo hazijafungwa na kutoa sababu za kutojibiwa kwa hoja hizo hadi sasa, jambo ambalo limerahisisha mjadala kwenye kikao.

Awali akisoma taarifa ya Mkaguzi wa Hesabu za Serikali, Bw. Mhuli alisema    tayari amekijulisha kikao kuwa Halmashauri imeshatatua changamoto zilizokuwepo hususani kwenye

 kuongeza  mapato pamoja na kufunga hoja zilizoainishwa na CAG.