RC Mghwira :Miundombinu Ikirekebishwa Hapatakuwa na Mafuriko

Posted on: June 3rd, 2020

Mkuu wa Mkoa wa KilimanjaroMhde. Dkt. Anna Mghwira amezitaka taasisi  za serikali zinazosimamia miundombinu ya barabara na maji ya mvua  kushirikiana ili kuhakikisha mafuriko yanayosababishwa na mapungufu ya miundombinu hayatokei tena na kudhuru wananchi.

Dkt. Mghwira  ameyasema hayo wakati  wa kutoa shukrani kwa Kampuni ya Bia Tanzania (TBL) ambayo imetoa jumla ya tani kumi za unga wa mahindi kwa ajili ya kuwasaidia waathirika wa mafuriko yaliyosababishwa na mvua za masika .

Mhe. Dkt. Mghwira amefafanua kuwa sehemu kubwa ya mafuriko yamesababishwa na mapungufu ya miundombinu iliyotakiwa kuelekeza maji ya mvua miton, mabwani na kwenye mifumo rasmi ya umwagiliaji, hivyo basi amesisitiza kuwepo kwa  mawasiliano ya karibu kati Wakala wa Barabara za Mijini na Vijijini (TARURA), Wakala wa Barabara Tanzania (TANROADs) na Taasisi ya Umwagiliaji ili kufanya kazi kwa kushirikiana na kuhakikisha tatizo halijirudii tena.

Awali akimkaribisha Mkuu wa Mkoa kutoa salamu za shukrani kwa TBL , Katibu Tawala wa Mkoa wa kilimanjaro Dkt. Khatib Kazungu amesema mifuko hiyo ya unga wa mahindi itagawiwa kwa halmashauri zilizopatwa na janga la mafuriko kwa kuzingatia ukubwa wa athari za mafuriko hayo kwa kila halmashauri.

Dkt. Kazunguzungu amewasilisha mchanganuo wa mgao huoa kuwa Halmashauri ya Wilaya ya   Mwanga ipata mifuko  67, Halmashauri ya wilaya ya Moshi itapata mifuko 55 ,  Manispaa ya Moshi itapata mifuko     29 na Halmashauri ya Wilaya ya  Same  itapata mifuko 250.