UZINDUZI WA SHULE YA SEKONDARI ORMELILI SIHA

Posted on: April 5th, 2024

Uzinduzi wa shule ya sekondari Ormelili

Kiongozi wa Mbio za Mwenge wa Uhuru Kitaifa Ndg. Godfrey Mnzava leo Aprili 4,1024 amezindua shule ya sekondari Ormelili Wilayani Siha yenye  vyumba 8 ikiwa madarasa 2, jengo la utawala 1, maabara 3 ya sayansi ambazo ni kemia, biologia na fizikia, chumba 1 cha TEHAMA, chumba 1 cha maktaba na matundu 8 ya vyoo vya kawaida na Matundu 2 ya vyoo vya wanafunzi wenye mahitaji maalumu.

Wakati wa uzinduzi huo Ndg. Godfrey amepongeza Serikali ya awamu ya Sita chini ya Uongozi wa Rais wa Jamhuri ya Muungano wa Tanzani Mhe. Dkt. Samia Suluhu Hassan kwa kujali wananchi wa Kata ya Ormelili kwa kusogeza huduma ya Elimu karibu iliyowasaidia wanafunzi kwa kupunguza umbali wa Km. 13 wakati hapo awali walikua wakipata elimu katika shule ya jirani ya Sikirari.

Mradi huu wenye gharama ya Tshs. Milioni 588,780,029.00 ambapo nguvu za wananchi  ni kiasi cha Tshs. milioni 4,500,000.00 na Serikali Kuu  kupitia mradi wa Mpango wa Maendeleo ya Elimu ya Sekondari (SEQUIP) 584,280,029.00 umeweza kunufaisha wananchi wa kata ya Ormelili kwa kutoa ajira  zipatao 94 ikiwa wanawake 16 na wanaume 78.

Shule hiyo inauwezo wa kupokea wanafunzi 320  wa kidato cha kwanza hadi cha nne na hadi sasa ina wanafunzi 292 wa kidato cha kwanza hadi tatu.